Աշխարհի 2026թ. առաջնության եվրոպական ընտրական մրցաշարի հերթական տուրում Իսպանիայի ազգային հավաքականը մրցակցի դաշտում 6-0 հաշվով հաղթեց Թուրքիայի թիմին։

«Ֆուրիա ռոխայից» հեթ-տրիկ ձևակերպեց Միկել Մերինոն, Պեդրին դարպասի գրավմամբ աչքի ընկավ երկու, Ֆերան Տոռեսը` մեկ անգամ։

Եվրոպայի գործող չեմպիոնը 6 միավորով E խմբի առաջատարն է, Թուրքիան 3 միավորով երրորդն է։

6-0 հաշվով հաղթեց նաև Բելգիայի հավաքականը` առավելության հասնելով Ղազախստանի թիմի դեմ  խաղում։

«Կարմիր սատանաներից» դուբլ գրանցեցին Ժերեմի Դոկուն ու Կևին Դե Բրույնեն։

Ռուդի Գարսիայի գլխավորած թիմը J խմբում 10 միավորով երկրորդն է, Ղազախստանը` 3 միավորով չորրորդը։

Ընտրական մրցաշարում առաջին հաղթանակը տարավ Գերմանիայի ազգային հավաքականը, որը A խմբում Քյոլնում 3-1 հաշվով պարտության մատնեց Հյուսիսային Իռլանդիայի թիմին։

Խմբի մյուս խաղում Սլովակիան 1-0 հաշվով հաղթեց Լյուքսեմբուրգի հավաքականին։

Խումբը 6 միավորով գլխավորում է Սլովակիան, Հյուսիսային Իռլանդիան 3 միավորով երկրորդն է, Գերմանիան` նույնքան միավորով երրորդը, իսկ Լյուքսեմբուրգը միավոր չի վաստակել։

Լեհաստանի հավաքականն էլ սեփական դաշտում 3-1 հաշվով հաղթեց Ֆինլանդիայի թիմին։

Յան Ուրբանի գլխավորած թիմը 10 միավորով երկրորդն է G խմբում, Ֆինլանդիան ունի 7 միավոր ու երրորդն է։

ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են նաև Fast TV հավելվածում (iOS, Android):

ԱԱ-2026, եվրոպական գոտու ընտրական մրցաշար

A խումբ

Գերմանիա - Հյուսիսային Իռլանդիա` 3-1

Սերժ Գնաբրի, 7, Նադիմ Ամիրի, 69, Ֆլորիան Վիրց, 72

Լյուքսեմբուրգ - Սլովակիա` 0-1

Տոմաշ Ռիգո, 90

E խումբ

Թուրքիա - Իսպանիա` 0-6

Պեդրի, 6, 62, Միկել Մերինո, 22, 45+1, 57, Ֆերան Տոռես, 53

G խումբ

Լեհաստան - Ֆինլանդիա` 3-1

Մեթի Քեշ, 27, Ռոբերտ Լևանդովսկի, 45+2, Յակուբ Կամինսկի, 55 - Բենյամին Կալման, 88

J խումբ

Բելգիա - Ղազախստան` 6-0

Կևին Դե Բրույնե, 42, 84, Ժերեմի Դոկու, 44, 60, Նիկոլաս Ռասկին, 51, Թոմաս Մենյե, 87