Ռուսաստանը ներկայացնող հայ մարտիկ Էդուարդ Վարդանյանը (24-4) հունիսի 16-ին Սոչիում կմենամարտի ACA-ի թեթև քաշային կարգի Գրան պրիի եզրափակիչում, հայտնում է խառը մենամարտերի կազմակերևպության մամուլի ծառայությունը:
31-ամյա Վարդանյանն ուժերը կչափի ղազախ Արտյոմ Ռեզնիկովի (26-6) հետ: Գրան պրիի եզրափակիչի մրցանակային հիմնադրամը մեկ միլիոն դոլար է:
ACA-ի թեթև քաշային կարգի Գրան պրիում Էդուարդ Վարդանյանը մինչև եզրափակիչ դուրս գալը հաղթել էր Ալեյն Իլունգին (13-5) և Յուսուֆ Ռաիսովին (19-2):
Հիշեցնենք, որ Ռեզնիկովի հետ մենամարտը հայ մարտիկի համար կլինի վերջինը ACA լիգայում, նրա պայմանագրի ժամկետը ռուսական կազմակերպության հետ ավարտվում է:
