Բունդեսլիգա-2-ի 22-րդ տուրում «Յան Ռեգենսբուրգը» սեփական դաշտում ոչ-ոքի գրանցեց «Համբուրգի» դեմ խաղում` 1-1։

Տանտերերի գոլը 6-րդ րոպեին խփեց Հայաստանի ազգային հավաքականի հարձակվող Սարգիս Ադամյանը։ Հայ ֆուտբոլիստը փոխարինվեց 89-րդ րոպեին։

31-ամյա ֆուտբոլիստը գոլ խփեց երկրորդ խաղում անընդմեջ։ Նախորդ տուրում «Գրոյտեր Ֆյուրթի» դեմ խաղում (1-2) նա նույնպես աչքի էր ընկել 6-րդ րոպեին` բացելով հաշիվը։

76-րդ րոպեից 10 ֆուտբոլիստներով խաղացող «Համբուրգը» պարտությունից խուսափեց 83-րդ րոպեին։

«Յան Ռեգենսբուրգը» 15 միավորով վերջինն է` 18-րդը, «Համբուրգը» 39 միավորով բարձրացավ երկրորդ տեղ։

Բունդեսլիգա-2, 22-րդ տուր

«Յան Ռեգենսբուրգ» - «Համբուրգ»` 1-1

Սարգիս Ադամյան, 6 - Դեյվի Զելկե, 83 (11մ)

Չիրացրած 11-մետրանոց` Դեյվի Զելկե, 54 («Համբուրգ»)

Հեռացում` Էմիր Սահիտի, 76 («Համբուրգ»)