Ռուսաստանի գեղասահքի ֆեդերացիան ներկայացրել է ազգային հավաքականի կազմը 2024/2025 մրցաշրջանի համար։

Կանանց մենասահքի թիմում ընդգրկվել է նաև Ադելիա Պետրոսյանը։ Հայ մարզուհին համարվում է Ռուսաստանի գեղասահքի գլխավոր հույսերից մեկը։

Ավելի վաղ լուրեր էին շրջանառվում, որ 16-ամյա Պետրոսյանը կարող փոխել մարզական քաղաքացիությունը և ներկայացնել Հայաստանը, սակայն Հայաստանի գեղասահքի ֆեդերացիայից հերքել էին տեղեկությունը:

Ադելիան Ռուսաստանի չեմպիոն է: Ռուսաստանցի գեղասահորդները 2022 թվականից զրկված են միջազգային մրցաշարերի մասնակցելու հնարավորությունից: