«Միլուոքի Բաքսի» բասկետբոլիստ Յանիս Ադետոկունբոն ու «Նեշվիլ Պրեդատորսի» հոկեյիստ Ֆիլիպ Ֆորսբերգը դարձել են ամերիկյան «Նեշվիլ» ֆուտբոլային ակումբի համասեփականատերեր:
NBA-ի 2021 թվականի չեմպիոնը ֆուտբոլային ակումբում ներդրումը կատարել է իր եղբայրների՝ Թանասիսի, Կոստասի ու Ալեքսի հետ համատեղ: Ներդրման կոնկրետ չափը հայտնի չէ:
Ֆուտբոլային ակումբի բաժնամասերը գնել է նաև տափօղակով հոկեյի Շվեդիայի հավաքականի կազմում 2018 թվականի աշխարհի չեմպիոն Ֆիլիպ Ֆորսբերգը, որը «Պրեդատորսի» պատմության լավագույն ռմբարկուն է:
Հիշեցնենք, որ «Նեշվիլը» 2020 թվականից ելույթ է ունենում ԱՄՆ-ի և Կանադայի բարձրագույն ֆուտբոլային առաջնություն MLS-ում:
