«Ալ Նասրը» ցանկանում է ձեռք բերել «Մանչեսթեր Յունայթեդի» կիսապաշտպան Բրունու Ֆեռնանդեշին, գրում է A Bola-ն։

Անցնող ժամերին սաուդյան ակումբը կապվել է պորտուգալացի ֆուտբոլիստի հետ և քննարկել հավանական տեղափոխության մանրամասները։

«Ալ Նասրում» հուսով են, որ թիմի առաջատար Կրիշտիանու Ռոնալդուի և գլխավոր մարզիչ Ժորժե Ժեզուշի գործոնն ազդեցություն կունենա 30-ամյա ֆուտբոլիստի որոշման վրա։

Ֆեռնանդեշը Լիսաբոնի «Սպորտինգում» նորամուտը նշել է Ժեզուշի գլխավորությամբ։

Դրանից բացի, վերջերս «Ալ Նասր» է տեղափոխվել նաև Պորտուգալիայի ազգային հավաքականում նրա մեկ այլ խաղընկեր Ժոաու Ֆելիքսը։

Սաուդցիները ծրագրում են Ֆեռնանդեշի տեղափոխության հարցում բանակցություններ սկսել մանկունիական գրանդի հետ, սակայն «Մանչեսթեր Յունայթեդը» ցանկանում է թիմում պահել իր ավագին։