«Լիլի» դարպասապահ Լյուկա Շևալյեն կարող է կարիերան շարունակել «Ասթոն Վիլայում», գրում է Get French Football News-ը։

23-ամյա դարպասապահին ձեռք բերելն ամառային տրանսֆերային պատուհանի ժամանակ կլինի անգլիական ակումբի գլխավոր նպատակը։ «Վիլայի» մարզական տնօրեն Ռամոն Մոնչին արդեն կապվել է ֆրանսիացու ներկայացուցիչների հետ։

Տրանսֆերի վերաբերյալ պաշտոնական առաջարկ չի եղել, բայց Շևալյեն պատրաստ է տեղափոխվել «Ասթոն Վիլա»։ «Լիլն» իր ֆուտբոլիստի տրանսֆերային իրավունքը կվաճառի, եթե վճարվի 40 միլիոն եվրո։

Անգլիական ակումբում նրան համարում են ակումբի հիմնական դարպասապահ Էմիլիանո Մարտինեսին փոխարինելու գլխավոր թեկնածու։

32-ամյա արգենտինացին, ամենայն հավանականությամբ, ամռանը կհեռանա «Ասթոն Վիլայից»։