Պորտուգալիայի հավաքականի ու «Մանչեսթեր Յունայթեդի» նախկին ֆուտբոլիստ Լուիշ Նանին կխաղա ռուսական Մեդիալիգայի «Ալֆա-Բանկ» թիմում, տեղեկացնում է Championat-ը։

2016 թվականի Եվրոպայի չեմպիոնը սիրողական լիգայում նորամուտը կնշի սեպտեմբերի 14-ին։ Նրա առաջին հանդիպումը «Ալֆա-Բանկի» կազմում կլինի Մեդիալիգայի չեմպիոն «Ամկալի» դեմ։

Նանին պրոֆեսիոնալ ֆուտբոլիստի կարիերան ավարտել է 2024 թվականին։ Պորտուգալացին մեկ անգամ դարձել է Չեմպիոնների լիգայի հաղթող, 4 անգամ էլ նվաճել է Անգլիայի Պրեմիեր լիգայի տիտղոսը։