«Կրասնոդարը» ցանկանում է թիմի ավագ Էդուարդ Սպերցյանին առաջարկել նոր պայմանագիր՝ բարելավված ֆինանսական պայմաններով, հայտնում է Metaratings-ը:
Գործող պայմանագրի ժամկետն ուժի մեջ է մինչև 2026 թվականի ամառը։
Ավելի վաղ «Ֆասթ Սպորտ»-ի մեկնաբան Հայկ Հովհաննիսյանը հայտնել էր, որ «Սաութհեմփթոնը» Սպերցյանի տրանսֆերի համար «Կրասնոդարին» առաջարկել է 12,5 միլիոն եվրո, ֆուտբոլիստը դիտարկում է կարիերայի շարունակության այդ տարբերակը:
Հայաստանի հավաքականի ֆուտբոլիստ Էդուարդ Սպերցյանը «Կրասնոդարի» սան է, թիմի կազմում անցկացրել է 145 խաղ, խփել 44 գոլ և կատարել 32 գոլային փոխանցում։ Transfermarkt-ի համաձայն՝ կիսապաշտպանի տրանսֆերային արժեքը 25 միլիոն եվրո է:
