«Լիվերպուլը» կպատժի թիմի հարձակվող Ուգո Էկիտիկեին «Սաութհեմփթոնի» դեմ խաղում հեռացվելու համար, հաղորդում է Daily Mail-ը:
«Կարմիրները» չեն վճարի ֆրանսիացու երկու շաբաթվա աշխատավարձը:
«Սաութհեմփթոնի» դեմ Անգլիայի Լիգայի գավաթի խաղարկության 1/16 եզրափակիչի խաղում (2-1) Էկիտիկեն գոլ խփելուց հետո հանել էր շապիկն ու ստացել երկրորդ դեղինը, ինչից հետո հեռացվել էր դաշտից:
Խաղից հետո Էկիտիկեի հեռացումը խիստ քննադատության էր ենթարկել նաև «Լիվերպուլի» գլխավոր մարզիչ Առնե Սլոթը՝ այն անվանելով «հիմար քայլ»:
Անգլիայի Լիգայի գավաթի խաղարկության հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
