Իտալիայի գավաթակիր Միլանի «Ինտերն» ու Հայաստանի հավաքականի նախկին կիսապաշտպան Հենրիխ Մխիթարյանը երկարաձգել են գործող պայմանագիրը։ Այդ մասին սոցցանցերում գրել է իտալացի լրագրող ու ինսայդեր Նիկոլո Սկիրան։

34-ամյա ֆուտբոլիստի նոր պայմանագիրը նախատեսված է մինչև 2025 թվականի ամառ։ Մխիթարյանի տարեկան աշխատավարձը կկազմի 4 միլիոն եվրո։ Նախորդ պայմանագրի ժամկետը լրանում էր այս մրցաշրջանի վերջում:

Հիշեցնենք, որ կարիերայում 11-րդ անգամ Հայաստանի տարվա լավագույն ֆուտբոլիստ ճանաչված Հենրիխ Մխիթարյանը 2022 թվականի ամռանը «Ռոմայից» է տեղափոխվել «Ինտեր», որի կազմում անցկացրել է 73 խաղ, խփել 7 գոլ ու կատարել 7 գոլային փոխանցում: Transfermarkt-ը նրա տրանսֆերային արժեքը գնահատում է 6 միլիոն եվրո։

🔜 Done Deal and confirmed! Henrikh #Mkhitaryan will extend his contract with #Inter until 2025 (€4M/year). He has turned down a rich bid from a Saudi Club to stay. #transfers https://t.co/XUAuTPKy6D

— Nicolò Schira (@NicoSchira) December 30, 2023