«Նոայի» ղեկավար կազմում փոփոխություններ են սպասվում։

«Ակումբը պատրաստվում է խզել պայմանագիրը սպորտային տնօրեն Արթուր Սահակյանի հետ, որը փաստաթղթերով «Նոայի» գլխավոր տնօրենն է։ Միևնույն ժամանակ Արթուր Ոսկանյանը, որը օրերս հեռացավ ՀՖՖ տեխնիկական կենտրոն Ավանի ակադեմիայի տնօրենի պաշտոնից, ամենայն հավանականությամբ կնշանակվի «Նոայի» սպորտային տնօրենի պաշտոնում»,- այս մասին սոցիալական ցանցերում հայտնել է Fast Media-ի մարզական մեկնաբան, ֆուտբոլային ինսայդեր Սուրեն Մելիքսեթյանը։

Հայաստանի առաջնության ընթացիկ մրցաշրջանում «Նոան» Ռոբերտ Արզումանյանի գլխավորությամբ 9 տուրից հետո վաստակել է 15 միավոր և զբաղեցնում է մրցաշարային աղյուսակի 5-րդ տեղը։