Արգենտինայի հավաքականի և անգլիական «Մանչեսթեր Սիթիի» նախկին հարձակվող Սերխիո Ագուերոն կարծում է, որ աշխարհի նորընծա չեմպիոն, ֆրանսիական ՊՍԺ-ի հարձակվող Լիոնել Մեսին հեշտությամբ կարող է մասնակցել 2026թ.-ին կայանալիք ֆուտբոլի աշխարհի առաջնությանը:
«Եթե նա շարունակի նույն ոգով, վստահ եմ՝ կխաղա ԱԱ-2026-ում: Ամեն ինչ կախված է տրամադրվածությունից: Գուշակություններ անել պետք չէ. միգուցե Մեսին հոգնի ու ցանկանա վայելել հանգիստը: Այդ դեպքում բոլորս կհարգենք նրա որոշումը»,- Ագուերոյի խոսքը մեջբերում է Marca-ն:
Հիշեցնենք, որ Կատարում կայացած ֆուտբոլի աշխարհի առաջնությունում Արգենտինայի հավաքականը եզրափակիչում 11-մետրանոցներով հաղթել էր Ֆրանսիայի ընտրանուն ու երրորդ անգամ հռչակվել աշխարհի չեմպիոն: Մեսին ճանաչվել էր եզրափակիչ խաղի և մրցաշարի լավագույն ֆուտբոլիստ:
