Փայլուն դերասանը, հոգատար հայրը և մեր ժամանակների ամենասեքսուալ տղամարդկանցից մեկն ապրիլի 25-ին նշում է ծննդյան 82-ամյակը։

Պարզապես հրաշալի է, որ Ալ Պաչինոն իր երիտասարդության տարիներին ընտրել է կինոն, այլապես մենք երբեք չէինք տեսնի նրա դերակատարմամբ այս տպավորիչ կերպարներին: Ալ Պաչինոն, իհարկե, «վատ դերեր» չունի, բայց կան այնպիսիք, որոնք արժանի են հատուկ ուշադրության։

Նա կենդանի լեգենդ է, ով ցանկացած դերակատարում կվերածի իսկական արվեստի։  

1. «Կնքահայրը»-The Godfather, 1972

Սա դերասանի առաջին լուրջ դերն է։ Այստեղ նա մարմնավորում էր սիցիլիական մաֆիայի պարագլուխ Դոն Վիտո Կորլեոնեի որդուն՝ Մայքլին։ Ալ Պաչինոյի հենց այս նկարից էլ ամրապնդվեց սխալները չներող, անվախ, դաժան ու տիրական գանգստերի կերպարը։ «Ոչ մի անձնական բան, Սոնի, դա պարզապես բիզնես է»:

2. «Սերպիկո»-Serpico, 1973

Այս ֆիլմն ակնհայտորեն ավելին է, քան պարզապես պատմություն մի խիզախ ոստիկանի մասին՝ առանց վախի և կշտամբանքի։ Հենց Ալ Պաչինոն է նրան առանձնահատուկ դարձրել՝ կատարելապես մարմնավորելով աշխույժ, հեղեղված մարդու, ով վիրավորված է, վախեցած, հոգնած ամեն ինչից և ցանկանում է ելք գտնել:

3. «Շան կեսօր»-Dog Day Afternoon, 1975

Այսօր դժվար է Ալ Պաչինոյին պատկերացնել որպես Սաննի՝ երկչոտ, միամիտ և անվճռական ավազակի, ով նույնիսկ ի վիճակի չէ բանկ թալանել առանց աղմուկի։ Այնուամենայնիվ, այս դերը համարվում է Պաչինոյի կինոկարիերայի լավագույններից մեկը և հավասարվում է սպիով դաժան Թոնիի և գանգստեր Մայքլ Կորլեոնեի դերերին։

4. «Արդարություն բոլորի համար»-...And Justice for All, 1979

Պաչինոն այստեղ խաղում է իդեալիստ փաստաբան Արթուր Քիրքլենդի դերը, ով համառորեն պայքարում է հանուն արդարության՝ «արդարություն բոլորի համար»։ Դերասանը լիովին ընտելացել է պարզ, բայց սկզբունքային տղայի դերին, ով պաշտպանում է նրանց, ովքեր իսկապես դրա կարիքն ունեն՝ աղքատության, անպաշտպանության կամ անմեղության պատճառով։ Սա Ալ Պաչինոյի լավագույն դերերից մեկն է:

5. «Սպիով դեմքը»-Scarface, 1983

Ի սկզբանե նախատեսվում էր, որ Թոնի Մոնտանայի խորհրդանշական դերը կկատարի Ռոբերտ դե Նիրոն։ Բայց նա հրաժարվել է, և դերը բաժին է հասել Ալ Պաչինոյին։ Եվ դա լավագույնն էր, որ կարող էր լինել: Առանց Պաչինոյի համոզիչ և պրոֆեսիոնալ դերասանական խաղի՝ Scarface-ն այն չէր լինի: Ալ Պաչինոն ֆիլմում ստեղծել է հավակնոտ, նպատակասլաց և կոշտ գանգստերի կերպարը։ Ոչ ոք ավելի լավ չէր խաղա այս դերը:

6. «Կնոջ բույրը»-Scent of a Woman, 1992

Պաչինոն այս ֆիլմում մարմնավորել է կույր գնդապետ Սլեյդին՝ հեգնական, հպարտ, ինքնավստահ, սենտիմենտալ, հուզիչ, կոշտ, անկախ: Իսկական արվեստ. նա այնպես է խաղում դերը, որ հեռուստադիտողը հավատա Ֆրենկ Սլեյդի իրական գոյությանը: Այս հմտության համար դերասանն արժանիորեն ստացել է «Օսկար»։

7. «Ամերիկացիները»-Glengarry Glen Ross, 1992

Այսպիսի ֆիլմերի մասին ասում են՝ «Տեսնել ու նոր մահանալ»։ Եվ շատ առումներով դա Ալ Պաչինոյի արժանիքն է։ Ֆիլմում պատկերված այլ կերպարների մեջ շատ հստակ առանձնանում է նրա հերոս Ռիկի Ռոման՝ մի տեսակ սուպեր պրոֆեսիոնալ, ով կարող է ամեն ինչ վաճառել նույնիսկ Սատանային՝ առանց որևէ բան կորցնելու:

8. «Կառլիտոյի ուղին»-Carlito's Way, 1993

Ո՞վ կարող էր ավելի լավ խաղալ նարկոբարոնի դերը, քան Ալ Պաչինոն: Նրա հերոսը որոշում է մեկընդմիշտ թողնել անցյալը և պարզապես ցանկանում է խաղաղ կյանք ունենալ իր սիրելի կնոջ հետ։ Եվ նա համառորեն կռվում է նրանց հետ, ովքեր ցանկանում են ոչնչացնել իր ծրագրերը։

9. «Տապ»-Heat, 1995

Ալ Պաչինոն այս ֆիլմում բացահայտում է իր հերոսի բարդ էությունը՝ փորձառու ոստիկանի, ով սովոր է կատարել իր սովորական աշխատանքը: Նա ոչ մի քայլ չի նահանջում ընթացող հետաքննության մեջ, ունի մեծ փորձ և իսկական հետախույզի հոտառություն։ Ոմանց համար նա կոշտ ոստիկան է թվում, վատ ընտանիքի մարդ, իսկ ինչ-որ մեկի համար՝ արժանի մրցակից և թշնամի: 

10. «Սատանայի փաստաբանը»-The Devil's Advocate, 1997

Ալ Պաչինոյի կերտած Ջոն Միլթոնը սատանայի լավագույն պատկերումն է, որ հնարավոր է պատկերացնել: Պաչինոն պրոֆեսիոնալ կերպով իրեն «ենթարկեցրեց» դերը, որն, իրավամբ, համարվում է այս ֆիլմի հաղթաթուղթը։ Իսկական դև՝ լի արատներով և գայթակղություններով:

Հետաքրքիր փաստեր Ալ Պաչինոյի մասին

• Նա աշխատել է որպես մատուցողի օգնական և դռնապան, որպեսզի վճարի դերասանական դպրոցում ուսման ծախսերը:
• Իր կարիերայի սկզբում արտիստը բեմում հանդես է եկել որպես ստենդ-ափ ժանրի կատակերգու։
• 21 տարեկանում դերասանը ձերբակալվել և բանտարկվել․ ոստիկանները նրա մեքենայում զենք էին հայտնաբերել։ Միայն խցում 3 օր անցկացնելուց հետո է պարզվել, որ դա թատերական «աքսեսուար» է։
• Ամերիկացի դերասանը սովորել է Լի Ստրասբերգի ստուդիայում և նախընտրում է խաղալ Ստանիսլավսկու մեթոդով։
• Ջեք Նիկոլսոնը և Ռոբերտ դե Նիրոն «պայքարել» են Մայքլ Կորլեոնեի դերի համար, սակայն ֆիլմի ռեժիսոր Ֆրենսիս Կոպոլան նախապատվությունը տվել է Ալ Պաչինոյին։
• Ալ Պաչինոն, ով մարմնավորել է Մայքլ Կորլեոնեին, իրականում կապված է Սիցիլիայի Կորլեոնե քաղաքի հետ: Նրա տատիկն ու պապիկն այնտեղից էին։
• Նա 8 անգամ առաջադրվել է «Օսկար»-ի, սակայն բաղձալի արձանիկը ստացել է միայն «Կնոջ բույրը» ֆիլմի համար՝ 1993 թվականին։
• Դերասանը Շեքսպիրի ստեղծագործության մեծ երկրպագու է։ 1996 թվականին նա նույնիսկ իր դեբյուտը կատարեց որպես ռեժիսոր և նկարահանեց «Փնտրում եմ Ռիչարդին» պիեսը։ Ինքը՝ Ալֆրեդոն խաղացել է գլխավոր դերը։
• Նրա սիրելի գրողն Օսկար Ուայլդն է։ Ալ Պաչինոն կարծում է, որ իր և անգլիացի դրամատուրգի միջև շատ նմանություններ կան։
• Նա երբեք պաշտոնապես ամուսնացած չի եղել:
• Պաչինոն ունի իր սեփական ստուդիան՝ Chal Productions-ը։ Անվան առաջին բառը բաղկացած է երկու մասից՝ Ch-ն իր ընկեր և դերասանական վարպետ Չարլզ Լութոնի անվան սկզբնատառն է, ում հետ բացել են այս ընկերությունը, իսկ Ալը հենց ինքը՝ դերասանն է։
• Նա սիրում է օպերա։
• Նրա առաջնեկը ծնվել է դերասանի՝ 50 տարեկան դառնալուց ընդամենը 6 ամիս առաջ։ Միայն 11 տարի անց Ալ Պաչինոն կրկին հայր դարձավ. 2001 թվականին դերասանուհի Բևերլի դ'Անջելոն երկվորյակ ունեցավ։