Անգլիական ֆուտբոլի լեգենդ Ալան Շիրերը մեկնաբանել է «Մանչեսթեր Սիթիի» նորվեգացի հարձակվող Էրլինգ Հոլանդի՝ ակումբի հետ նոր պայմանագիր կնքելու որոշումը:
Օրեր առաջ 24-ամյա ֆուտբոլիստը կնքել էր պայմանագիր, որի ժամկետը կգործի մինչև 2034 թվականի հուլիսի 1-ը:
«Ինը տարի անց նա կլինի 34 տարեկան: Վստահ եմ, որ Էրլինգը կգերազանցի Պրեմիեր լիգայի արդյունավետության ռեկորդը: Բայց չեմ կարծում, թե նա այդքան ժամանակ կմնա Անգլիայում:
Այո՛, ակումբի և ֆուտբոլիստի համար ձեռնտու պայմանագիր է. Հոլանդն ավելի շատ գումար կստանա, իսկ «Սիթին» կպահպանի իր ակտիվը: Եթե ինչ որ մեկը ցանկանա ձեռք բերել Էրլինգի տրանսֆերային իրավունքը, ապա լուրջ գումար պետք է տրամադրի»,- Շիրերի խոսքը մեջբերում է Manchester Evening News-ը:
- Անգլիայի Պրեմիեր լիգայի ռմբարկուական ռեկորդն Ալան Շիրերինն է (260 գոլ)
- Էրլինգ Հոլանդը 2,5 մրցաշրջանում Պրեմիեր լիգայում խփել է 80 գոլ:
