Երևանի «Ալաշկերտը» պայմանագիր է կնքել վրացի հարձակվող Լևան Կուտալիայի հետ,  հաղորդում է ակումբի մամուլի ծառայությունը։

33-ամյա ֆուտբոլիստը նախկինում խաղացել էր բոսնիական «Զրինսկիում», Քութայիսիի «Տորպեդոյում», Թբիլիսիի «Դինամոյում», ղազախական «Իրտիշում», իսրայելական «Հապոելում» և մի շարք այլ ակումբներում:

Հարձակվողը Վրաստանի եռակի չեմպիոն է, 2019 թվականին «Դինամոյի» կազմում 20 գոլով ճանաչվել էր առաջնության լավագույն ռմբարկու:

Ֆոտո՝ «Ալաշկերտի» մամուլի ծառայություն