Հայաստանի գործող չեմպիոն «Ալաշկերտը» ֆեյսբուքյան էջի միջոցով հետևյալ հայտարարությունն է տարածել․ «Ուրախ ենք տեղեկացնել, որ «Ալաշկերտը» պայմանագիր է ստորագրել բրազիլացի հարձակվող Լուկաս դե Կարվալյո Սերայի հետ:
26-ամյա ֆուտբոլիստը գրեթե ամբողջ կարիերան անցկացրել է Չեխիայում` ներկայացնելով տեղի «Բրեչլավ», «Հլուչին» և «Զնոյմո» ակումբները:
Մինչ «Ալաշկերտ» տեղափոխվելը Լուկասը հանդես էր գալիս բրազիլական «Կանայում»:
Բարի գալուստ Մեր Ընտանիք, Լուկաս»,- նշված է հրապարակման մեջ:
«Ալաշկերտը» դուրս է եկել Եվրոպա լիգայի գավաթի խաղարկության որակավորման փլեյ-օֆֆ, որտեղ մրցելու է շոտլանդական «Գլազգո Ռեյնջերսի» հետ: Դիմակայության առաջին հանդիպումը կկայանա օգոստոսի 19-ին Շոտլանդիայում, պատասխան խաղը Երևանում նախատեսված է օգոստոսի 26-ին: «Ալաշկերտը» հաջողության դեպքում կհայտնվի Եվրոպա լիգայի խմբային փուլում, իսկ պարտության պարագայում կտեղափոխվի Կոնֆերենցիաների լիգա ու ելույթ կունենա ՈՒԵՖԱ-ի նորաստեղծ մրցաշարի խմբային փուլում:
«Ալաշկերտի» պատմական նվաճումը. Ժոզե Էմբալոն եվրագավաթներում դուբլի հեղինակ դարձած 3-րդ ալաշկերտցին է
