«Փյունիկի» ղեկավար կազմում տեղի է ունեցել համալրում։ Ակումբ է վերադարձել Ալեքսանդր Տարխանովը։ Ռուս մասնագետը կզբաղեցնի ակումբի փոխնախագահի պաշտոնը և կզբաղվի «Փյունիկ» ակադեմիայի զարգացմամբ՝ հաղորդում է ակումբի պաշտոնական կայքը:
Հիշեցնենք, որ Ալեքսանդր Տարխանովը «Փյունիկում» աշխատել է 2019 և 2020թթ․։ Նրա գլխավորությամբ «Փյունիկը» հռչակվել է Հայաստանի փոխչեմպիոն և Եվրոպա լիգայի որակավորման փուլում հասել է մինչև երրորդ փուլ։
«Ալեքսանդր Տարխանովի անմիջական մասնակցությամբ «Փյունիկ» մարզաբազայում արդեն կազմակերպվել է փառատոն ակումբի սաների համար՝ ուղղված տեխնիկական տվյալների բարելավմանը»,- մասնավորապես ասված է ակումբի հաղորդագրության մեջ:
