UFC-ն կազմակերպություն է, որտեղ մեծ անհատականություններն հաճախ ստվերում են իրական «նվաճողներին»:
Ալեքսանդր Վոլկանովսկին UFC-ի պատմության մեջ ամենաթերագնահատված չեմպիոններից է: 2019 թվականից Վոլկը գերիշխում է իր քաշային կարգում, բայց այդպես էլ ձեռք չի բերում այնպիսի հեղինակություն, ինչպիսին ունեցել են Խաբիբ Նուրմագոմեդովն ու Քոնոր Մաքգրեգորը:
Ալեքսանդր Վոլկանովսկին տարիներ առաջ շատ հեռու է եղել օկտագոնից: Մինչև UFC-ի ամենաուժեղ մարտիկներից դառնալը՝ Վոլկանովսկին Ավստրալիայում պրոֆեսիոնալ ռեգբի է խաղացել:
Ավսրտրալացին UFC-ում նորամուտը նշեց 2012 թվականին. շատերը կարծում էին, որ նա չի կարող մեծ հաջողություններ գրանցել ու այս մարզաձևում հերթական «անցորդներից» է: Վոլկանովսկին վստահ քայլերով առաջ շարժվեց ու նորամուտից 7 տարի անց առավելության հասավ լեգենդար Ժոզե Ալդոյի հետ պայքարում, իսկ 2019 թվականի դեկտեմբերին Վոլկանովսկին արեց անհնարինը` խլելով գոտին անպարտելի Մաքս Հոլոուեյից։
Վոլկանովսկին մարտիկ է, որի ուժը կարգապահությունն ու հեռատեսությունն են:։ Հոլոուեյի, Իլյա Թոփուրիայի ու Բրայան Օրտեգայի հետ մենամարտերում Ալեքսանդրը ցույց տվեց, թե ինչպես կարելի է փոխել մարտավարությունը հենց մենամարտի ժամանակ։ Ավստրալիացին ունի հրաշալի վիճակագրություն, բայց նրան շատ են քննադատում, քանի որ հաղթում է ոչ թե նոկաուտով, այլ մենամարտը վերահսկելով ու մրցակցին շարքից հանելով։ UFC-ի երկրպագուներն այդպիսի մենամարտեր չեն սիրում: Նրանք ցանկանում են տեսնել ակտիվ ու վառ մենամարտ:
Վոլկանոկվսկին նաև քիչ է հայտնվում ուշադրության կենտրոնում, քանի որ բավական համեստ է ու չի ցանկանում շոու հրամցնել երկրպագուներին:
Վոլկն արդեն գերազանցել է դիվիզիոնի բազմաթիվ լեգենդների։ 22 մենամարտ անպարտելի լինելու փաստը նրան հավասարեցրել է Ժորժ Սեն-Պիեռին: Նա երեք անգամ հաղթել է Հոլոուեյին, ու գերազանցել է նոր սերնդի մարտիկներից Յաիր Ռոդրիգեսն է:
Ալեքսանդր Վոլկանովսկին իր հաջողություններին համապատասխան վերաբերմունք չի ստացել, բայց նա օրինակ է երիտասարդ մարտիկների համար: Անհերքելի փաստ է, որ Վոլկը UFC-ի բոլոր ժամանակների լավագույն մարտիկներից է:
