Անգլիական «Լիվերպուլի» դարպասապահ Ալիսոն Բեկերը Չեմպիոնների լիգայի մեկ խաղում կատարած սեյվերի քանակով հավասարվել է Մադրիդի «Ռեալի» դարպասապահներ Տիբո Կուրտուային և Անդրեյ Լունինին, հայտնում է Opta-ն:
Բրազիլացին ֆրանսիական ՊՍԺ-ի դեմ 1/8 եզրափակիչի խաղում 9 սեյվ է կատարել և ճանաչվել է հանդիպման լավագույն ֆուտբոլիստ:
Ուկրաինացի Լունինը նախորդ մրցաշրջանում 9 սեյվ էր գրանցել գերմանական «Լայպցիգի» դեմ 1/8 եզրափակիչի խաղում, իսկ Տիբո Կուրտուան նման ցուցանիշ էր գրանցել 2021/22 մրցաշրջանի եզրափակիչում, որտեղ «Արքայական ակումբը» հաղթել էր «Լիվերպուլին»:
