Մադրիդի «Ռեալի» կիսապաշտպան Կառլոս Կազեմիրոն խոսել է Լա լիգայի 19-րդ տուրում «Վիլյառեալից» կրած պարտության մասին (0-1):
«Հիմա թիմը պետք է ավելի ուժեղ համախմբվի, քան երբևէ: Այն, ինչ կատարվեց այսօր, կատարվում է ամբողջ մրցաշրջանում: Մենք լավ ենք խաղում, գոլային պահեր ենք ստեղծում, բայց չենք կարողանում գոլ խփել: Մրցակիցը 2-3 պահ ունեցավ և գրավեց մեր դարպասը: Ես չգիտեմ, թե ինչպես դա բացատրել:
Պետք է ամբողջ խաղի ընթացքում չթուլացնել կենտրոնացվածությունը: Այդ ժամանակ մրցակիցը չի կարող տհաճ իրավիճակ ստեղծել մեզ համար: Դրանք կարևոր միավորներ էին, բայց անհնարին ոչինչ չկա, չնայած առաջնությունում իրավիճակը բարդ է» – հայտարարել է Կազեմիրոն:
