Ինչո՞ւ գլուխը լցնել այն ամենով, ինչ հնարավոր չէ արդեն վերադարձնել: Պետք է մտածել այն մասին, թե դեռ ինչ կարելի է փոխել:

Մարգարեթ Միտչելի ամբողջ կյանքի գործը (իսկ դե-ֆակտո՝ միակ խոշոր գործը) հայտնի «Քամուց քշվածները» վեպն է, որի վրա նա աշխատել է ավելի քան 10 տարի։ Գրքի գործողությունները հիմնականում տեղի են ունենում Ջորջիա նահանգում և ժամանակագրական առումով ընդգրկում են Հյուսիսի և Հարավի միջև քաղաքացիական պատերազմը և դրան հաջորդած վերակառուցումը: Այս իրադարձությունների ֆոնին էլ ծավալվում է գրքի հիմնական գործողությունը։ «Քամուց քշվածների» գլխավոր հերոսուհին՝ Սքարլեթ Օ'Հարան, դարձել է «ամերիկյան երազանքի» և «հին ու բարի Հարավից» կնոջ կերպարի ինքնատիպ մարմնավորում։ Միտչելը մեղադրվում էր Կոնֆեդերացիայի իդեալականացման և հին կարգերի առասպելականացման համար:

Այնուամենայնիվ, հրատարակումից հետո այն մեծ հաջողություն ունեցավ. միայն Միացյալ Նահանգներում առաջին վեց ամսում վաճառվել է ավելի քան 1 միլիոն օրինակ։ 1937 թվականին Մարգարետ Միտչելը վեպի համար արժանացել է Պուլիտցերյան մրցանակի։ Իսկ 2 տարի անց էկրան բարձրացավ Վիկտոր Ֆլեմինգի համանուն ֆիլմը, որն արժանացավ 8 «Օսկար» մրցանակի՝ այդպիսով ստացած ոսկե արձանիկների քանակով սահմանելով այդ ժամանակների համար բացարձակ ռեկորդ։

15 մեջբերում «Քամուց քշվածները» վեպից.

1. Ես այդ մասին այսօր չեմ մտածի, ես այդ մասին կմտածեմ վաղը:

2. - Ես սիրում եմ Ձեզ:
- Դա Ձեր խնդիրն է։

3. Մահ, հարկեր, ծննդաբերություն. Ո՛չ մեկը, ո՛չ մյուսը, և ո՛չ էլ երրորդը երբեք ժամանակին չեն լինում։

4. Կյանքը պարտավոր չէ մեզ տալ այն, ինչ մենք ակնկալում ենք։ Պետք է վերցնել այն, ինչ նա տալիս է, և արդեն երախտապարտ լինենք այն բանի համար, որ այդպես է, և ոչ թե ավելի վատ:

5. Միայն այն ժամանակ, երբ կորցնում ես քո, այսպես կոչված, «հեղինակությունը», սկսում ես հասկանալ, թե դա ինչ բեռ է, և որքան լավ է նման գնով ձեռք բերված ազատությունը։

7. Ինչ ծանր բեռ են համեստությունն ու նրբանկատությունը։

8. Երջանիկ ամուսնության համար միայն սերը բավարար չէ:

9. Լացը կարող է լավ լինել, երբ կողքիդ կա տղամարդ, որից պետք է ինչ-որ բան ստանալ:

10. Եթե ես երբևէ ուժեղ եմ եղել, ապա միայն այն պատճառով, որ նա կանգնած էր իմ թիկունքում:

11. Առանց փողի չեք կարող լեդի լինել:

12. - Մի՞թե ես քեզ համար այդքան մեծ արժեք ունեմ:
- Ընդհանուր առմամբ՝ այո։ Չէ՞ որ ես քո մեջ այդքան գումար եմ ներդրել․ չէի ցանկանա դրանք կորցնել։

13. Եթե ես ինչ-որ բան եմ ուզում` վերցնում եմ այն, այնպես որ ստիպված չեմ լինում պայքարել ո՛չ հրեշտակների, ո՛չ դևերի դեմ:

14. Իսկական տիկնոջը հեշտ է ճանաչել՝ նա ոչինչ չի ուտում։

15. Ամեն ինչ իր հերթն ունի, դժվար ժամանակները հավերժ չեն: