տուր
01 Հունվար 1970 - 20:52
- «Ինտերի» հարձակողական ոճի կիսապաշտպան Իվան Պերիշիչը պատմել է, որ Մադրիդի «Ռեալի» պաշտպան և ավագ Սերխիո Ռամոսն իր վրա ամենամեծ տպավորությունն է թողել հետին գծի այն ֆուտբոլիստների շրջանում, որոնց դեմ խաղացել է:
«Կարիերայիս ընթացքում հանդես եմ եկել բազում ուժեղ պաշտպանների դեմ: Ինձ վրա ամենամեծ տպավորություն թողածը Ռամոսն է»,- Պերիշիչի խոսքերը մեջբերում է Football Italia-ն:
Խորվաթ ֆուտբոլիստին առաջարկել են նաև փոքր թիմ կազմել «Ինտերում» տարբեր ժամանակներում հանդես եկած խաղացողներից: Պերիշիչն այդ թիմում տեղ չի հատկացրել ներկայիս թիմակիցներից և ոչ մեկին:
«Ժուլիո Սեզարը՝ դարպասում․ նա մտել է «Ինտերի» պատմության մեջ: Վալտեր Սամուել․ նա այն խաղացողներից է, ովքեր անհրաժեշտ են հաղթանակների համար: Սամուել Էտո՛Օ․ զոհաբերություն և տաղանդ․ նա չեմպիոն է: Դեյան Ստանկովիչ․ լիարժեք խաղացող է, որն անհավանական գոլեր էր խփում: Ռոնալդո․ բոլոր ժամանակների լավագույն ֆուտբոլիստներից մեկն է»,- ասել է Պերիշիչը:
Նա, «Ինտերից» զատ, հանդես է եկել նաև «Սոշոյում», «Ռոսելարում», «Բրյուգեում», Դորտմունդի «Բորուսիայում», «Վոլֆսբուրգում» ու «Բավարիայում»: Բունդեսլիգայի կրկնակի չեմպիոն է, Գերմանիայի եռակի գավաթակիր, մեկ անգամ էլ նվաճել է երկրի սուպերգավաթը: «Բավարիայի» կազմում դարձել է Չեմպիոնների լիգայի գավաթակիր: Խորվաթիայի հավաքականում մասնակցել է 96 խաղի և խփել 26 գոլ: 2018 թվականի աշխարհի փոխչեմպիոն է:
Սերխիո Ռամոսը տասնամյակի ամենաարդյունավետ պաշտպանն է
