Ամերիկյան MLS-ի մրցավար Ռոբերտ Սիբիգան խոսել է «Ինտեր Մայամիի» նորեկ, արգենտինացի հարձակվող Լիոնել Մեսիի մասին:
«Մեսին լիովին այլ խաղամակարդակի վրա է Զլատանի կամ Դևիդ Բեքհեմի համեմատ: Վերջին բանը, որ դուք կցանկանաք, նրա խաղը փչացնելը կլինի կամ այլ, ավելի քիչ տաղանդավոր ու փորձ ունեցող ֆուտբոլիստների կողմից Լիոնել Մեսիի պես ֆուտբոլիստին վնասվածք հասցնելը»,- Սիբիգայի խոսքը մեջբերում է Goal.com-ը:
Հիշեցնենք, որ «Ոսկե գնդակի» 7-ակի դափնեկիրը հունիսին հայտարարել էր, որ տեղափոխվում է «Ինտեր Մայամի»: Հունիսի 30-ին ավարտվել էր նրա պայմանագիրը Ֆրանսիայի չեմպիոն ՊՍԺ-ի հետ:
