ԱՄՆ-ում շարունակվող Ամերիկայի գավաթի խաղարկությունում կայացել են C խմբի երկրորդ տուրի հանդիպումները:

Ուրուգվայի հավաքականը 5 անպատասխան գնդակ է ուղարկել Բոլիվիայի դարպասը:

Մարսելո Բյելսայի գլխավորած թիմի կազմում գոլերով աչքի են ընկել Ֆակունդո Պելիստրին, Դարվին Նունյեսը, Մաքսիմիլիանո Արաուխոն, Ֆեդերիկո Վալվերդեն և Ռոդրիգո Բենտանկուրը: Ընդմիջմանը փոխարինման է դուրս եկել նաև ամերիկյան «Ինտեր Մայամիի» 37-ամյա հարձակվող Լուիս Սուարեսը, որը բաց էր թողել նախորդ հանդիպումը։

Խմբի մյուս խաղում Պանամայի հավաքականը 2-1 հաշվով առավելության է հասել ԱՄՆ-ի նկատմամբ:

Ուրուգվայի հավաքականը վաստակել է 6 միավոր ու ժամկետից շուտ ապահովել փլեյ-օֆֆի ուղեգիր՝ միանալով Վենեսուելայի ու Կոպա Ամերիկայի գործող հաղթող Արգենտինայի հավաքականներին։ ԱՄՆ-ը և Պանաման ունեն 3-ական միավոր, իսկ Բոլիվիան կրել է երկու պարտություն։

Վերջին տուրում Ուրուգվայը կմրցի ԱՄՆ-ի, իսկ Բոլիվիան՝ Պանամայի հետ:

Ամերիկայի գավաթ, խմբային փուլ, երկրորդ տուր

C խումբ

Ուրուգվայ - Բոլիվիա՝ 5-0 (տեսանյութ)

Ֆակունդո Պելիստրի, 8, Դարվին Նունյես, 21, Մաքսիմիլիանո Արաուխո, 77, Ֆեդերիկո Վալվերդե, 81, Ռոդրիգո Բենտանկուր, 83

Պանամա - ԱՄՆ՝ 2-1 (տեսանյութ)

Սեսար Բլեքման, 26,  Խոսե Ֆախարդո, 83 - Ֆոլարին Բալոգուն, 22

Հեռացում՝ Ադարբելտո Կարասկիլյա, 88 (Պանամա) - Տիմոտի Վեա (ԱՄՆ), 18