Բրազիլիայի ազգային հավաքականի գլխավոր մարզիչ Կառլո Անչելոտին կարծում է, որ «Ռեալում» ոչ ոք չի կարող փոխարինել Լուկա Մոդրիչին կամ Տոնի Կրոսին, հայտնում է Ֆաբրիցիո Ռոմանոն։

«Ես չեմ կարող խորհուրդներ տալ, թե ինչպես խաղա «Ռեալը» դաշտի կենտրոնում։ Եթե ուզում եք Կրոսին ու Մոդրիչին փոխարինող գտնել, իզուր եք տանջվում։ Հնարավոր չէ նոր Կրոս կամ Մոդրիչ գտնել»,- ասել է Անչելոտին:

Կրոսը կարիերան ավարտեց 2024 թվականին, իսկ Մոդրիչն 2025/26 մրցաշրջանի մեկնարկից առաջ հեռացավ Մադրիդից։ Նա կարիերան շարունակում է իտալական «Միլանում»: