Բրազիլիայի ազգային հավաքականի գլխավոր մարզիչ Կառլո Անչելոտին խոսել է աշխարհի 2026թ. առաջնության խմբային փուլի վիճակահանության մասին, հայտնում է ՖԻՖԱ-ի պաշտոնական կայքը։
«Շատ բարդ խմբում ընդգրկվեցինք։ Մարոկկոն շատ ուժեղ հավաքական է, նույնը կարող եմ ասել նաև Շոտլանդիայի մասին։
Մարոկկոն հիանալի հանդես եկավ աշխարհի նախորդ առաջնությունում, վերջին շրջանում էլ է լավ խաղում։ Շոտլանդիան, եվրոպական բարդ մրցակիցների հաղթելով, դուրս եկավ Մունդիալ։ Նրանք շատ կարգապահ ու ֆիզիկապես ուժեղ թիմ ունեն։
Այս խմբում պետք է զգույշ լինենք, բայց նաև վստահ եմ մեր հավաքականի որակի վրա»,- ասել է իտալացի մասնագետը։
«Պենտակամպեոնները» Մունդիալում ընդգրկվել են B խմբում և, բացի Մարոկկոյից ու Շոտլանդիայից, կմրցեն նաև Հայիթիի հավաքականի դեմ։
Մունդիալ-2026-ը կանցկացվի հունիսի 11-ից հուլիսի 19-ն ԱՄՆ-ում, Մեքսիկայում և Կանադայում: Առաջին անգամ մրցաշարին կմասնակցեն 48 երկրի ազգային հավաքականներ:
