Մադրիդի «Ռեալի» գլխավոր մարզիչ Կառլո Անչելոտին խոսել է կատալոնական «Բարսելոնայի» դեմ Իսպանիայի Արքայական գավաթի խաղարկության կիսաեզրափակիչի պատասխան հանդիպման մասին:
«Այո, մենք երեք խաղում պարտվել ենք Չավիի թիմին, ուստի վաղը հաղթելու մեր հերթն է: Շատ կարևոր է առաջ չվազել՝ մոռանալով պաշտպանության մասին։ Կարող ենք գոլ խփել անգամ հանդիպման 90-րդ րոպեին։ Պետք է անընդհատ վերահսկել խաղը և ավելի արագ տեղաշարժվել»,- իտալացի մասնագետի խոսքը մեջբերում է Marca-ն։
Հիշեցնենք, որ դիմակայության առաջին խաղում «Բարսելոնան» Մադրիդում հաղթել էր 1-0 հաշվով: Պատասխան հանդիպումը տեղի կունենա ապրիլի 5-ին «Կամպ Նոու» ստադիոնում և կմեկնարկի Երևանի ժամանակով 23:00-ին:
