«Ռեալի» գլխավոր մարզիչ Կառլո Անչելոտին դժգոհ է թիմի կիսապաշտպան Արդա Գյուլերից, հաղորդում է Relevo-ն:
Իտալացի մասնագետին դուր չի գալիս ֆուտբոլիստի քիչ նվիրվածությունը մարզումների ժամանակ: Մարզչական շտաբը նաև դժգոհ է մնացել «Լեգանեսի» դեմ (3-2) Իսպանիայի գավաթի խաղարկության քառորդ եզրափակիչում Գյուլերի ցուցադրած խաղից: Նա գնդակով բազմաթիվ սխալ որոշումներ է կայացրել, սակայն Անչելոտիին դուր չի եկել հատկապես նրա պասիվությունն առանց գնդակի խաղի ժամանակ:
Աղբյուրը վստահեցնում է, որ Գյուլերը չի ցանկանում վարձակալությամբ այլ ակումբ տեղափոխվել: Եթե նա ամռանը հեռանա ակումբից, դա կանի մշտական հիմունքով:
Անչելոտիի ու Գյուլերի հարաբերությունները երբեք էլ հրաշալի չեն եղել: Լա լիգայի այս մրցաշրջանում Գյուլերը մասնակցել է 18 խաղի, խփել է 1 գոլ, կատարել 3 գոլային փոխանցում:
