Մադրիդի «Ռեալի» գլխավոր մարզիչ Կառլո Անչելոտին որոշել է ընթացիկ մրցաշրջանից հետո հեռանալ զբաղեցրած պաշտոնից, հայտնում է Onda Cero-ն։

Իտալացի մասնագետը, չնայած գոհ է «Արքայական ակումբում» կատարած աշխատանքից ու գրանցած արդյունքներից, կարծում է, որ հեռանալու ժամանակն է։

65-ամյա Կառլոն չի ավարտի կարիերան և պատրաստ կլինի նոր մարտահրավերներ ընդունելուն: Միաժամանակ նշվում է, որ նա միանշանակ չի գլխավորի Բրազիլիայի հավաքականը:

Անչելոտիին փոխարինելու գլխավոր թեկնածուն Խաբի Ալոնսոն է, որն այժմ մարզում է Լևերկուզենի «Բայերը»։

Հիշեցնենք, որ Կառլո Անչելոտին «Լոս Բլանկոսի» ղեկին է 2021թ. հուլիսից։ Նախկինում նա «Ռեալը» մարզել է նաև 2013-15թթ.։