Իրանի Ռաշտ քաղաքում ընթանում է Օլիմպիական վարկանիշային մրցաշար, որում Հայաստանը ներկայացնում է 4 ծանրորդ:
Մեր ներկայացուցիչներից առաջինը մրցահարթակ է դուրս եկել 81 կգ քաշային Անդրանիկ Կարապետյանը: Հայ մարզիկը կարողացել է պոկել 160 կգ՝ նվաճելով փոքր ոսկե մեդալ առաջին վարժությունում: Հրում վարժությունում էլ Կարապետյանը իր կամքին է ենթարկել 185 կգ կշռող ծանրաձողը՝ երկամարտի 345 կգ արդյունքով զբաղեցնելով 4-րդ տեղը:
Այս պահին մեդալների համար պայքարում է 96 կգ քաշային Հակոբ Մկրտչյանը:
Վաղը պայքարի դուրս կգան գերծանր քաշային կարգում Հայաստանը ներկայացնող Սիմոն Մարտիրոսյանն ու Ռուբեն Ալեքսանյանը:
