Հայաստանի ազգային հավաքականի պաշտպան Անդրե Կալիսիրը դանիական «Սիլկեբորգից» տեղափոխվել է շվեդական «Բրոմապոյկարնա», հայտնում է ակումբի մամուլի ծառայությունը:
«Հաճելի էր վերադառնալ Ստոկհոլմ»,- ասել է 32-ամյա ֆուտբոլիստը՝ պայմանագիր կնքելուց հետո:
«Բրոմապոյկարնան» նախորդ մրցաշրջանում հաղթել էր առաջին լիգայում և ապահովել իր տեղը Շվեդիայի բարձրագույն դիվիզիոնում:
Հիշեցնենք, որ Անդրե Կալիսիրը կարիերայի ընթացքում խաղացել է նաև հունական «Ապոլոնում», շվեդական «Յուրգարդենում», «Գյոտեբորգում» և «Յոնկոպինգում»: Նա 2021-ի ամռանն էր միացել «Սիլկեբորգին», որի կազմում անցկացրել է 22 հանդիպում։ Շվեդիայի առաջնությունում պաշտպանը մասնակցել է 132 հանդիպման, դարձել երկու գոլի ու մեկ գոլային փոխանցման հեղինակ։
Հայաստանի հավաքականում Կալիսիրը նորամուտը նշել է 2018 թվականի հունիսին և մինչև օրս մասնակցել 23 հանդիպման:
🤝🤝🤝🤝 https://t.co/apyS4W2UH0 pic.twitter.com/4uQYnzMjhD
— BP (@bpfotboll) February 21, 2023
