Լեգենդար Թիերի Անրին կարծիք է հայտնել «Լիվերպուլի» և թիմի ֆուտբոլիստ Մոհամեդ Սալահի միջև առաջացած կոնֆլիկտի մասին, հաղորդում է CBS Sport-ը:
«Չի կարելի խոսել սեփական անձի մասին, երբ թիմդ դժվար փուլում է: «Լիվերպուլը» խնդիրներ ունի, Սալահն էլ արդյունավետ չէ: Երբ ես «Բարսելոնայում» մնում էի պահեստայինների նստարանին, դժգոհություններս արտահայտում էի միայն Գվարդիոլային: Ես խնդիրներ եմ ունեցել Վենգերի հետ, բայց ո՞վ է իմացել դրա մասին:
Երբեք հրապարակավ չեմ խոսել խնդիրների մասին, քանի որ պետք է պաշտպանեի թիմիս: Ոչ ոք կասկածի տակ չի դնում Սալահի ֆուտբոլային որակները, բայց կարծում եմ՝ նա սխալ է գործել», - ասել է ֆրանսիացին:
