22-ամյա հարձակվող Համլետ Մինասյանը միացել է «Վանին», հայտնում է Չարենցավանը ներկայացնող ակումբի մամուլի ծառայությունը:

Մինասյանը նախորդ մրցաշրջանն անցկացրել է «Սյունիքում», որի կազմում 21 գոլով դարձել էր Առաջին խմբի առաջնության գլխավոր ռմբարկու:

Նա նախկինում հանդես է եկել նաև «Արարատում» և ԲԿՄԱ-ում։ Համլետը պրոֆեսիոնալ կարիերայում անցկացրել է ընդհանուր 124 հանդիպում, որոնցում խփել է 53 գոլ։