Ուզբեկստանը ներկայացնող Արամ Վարդանյանը (77 կգ) Հորդանանի մայրաքաղաք Ամմանում դարձել է հունահռոմեական ոճի ըմբշամարտի Ասիայի չեմպիոն։
29-ամյա ըմբիշը պայքարն սկսել է քառորդ եզրափակիչից, որտեղ 9-0 հաշվով հաղթել Իբրագիմ Մագոմեդովին (Ղազախստան)։ Կիսաեզրափակիչում նա նույն հաշվով առավելության է հասել հորդանանցի Ամրո Աբեդ Սադեհի դեմ գոտեմարտում։
Եզրափակիչում էլ Վարդանյանը 4-2 հաշվով հաղթել է Իրանի ներկայացուցիչ Ալիռեզա Աբդևալիին և մեծահասակների մրցաշարերում նվաճել կարիերայի առաջին ոսկե մեդալը։
Արամ Վարդանյանը խառը մենամարտերի անվանի մարտիկ Էդուարդ Վարդանյանի կրտսեր եղբայրն է։
