Բրազիլացի 21-ամյա դարպասապահ Տիագո Գոմես դոս Սանթոսը պայմանագիր է կնքել Երևանի «Արարատի» հետ, հայտնում է մայրաքաղաքային ակումբի մամուլի ծառայությունը:
Տիագո Գոմեսը ծնվել է 2003 թվականի հունվարի 20-ին բրազիլական Սալվադոր քաղաքում: Մինչև «Արարատ» տեղափոխվելը նա հանդես է եկել «Բահիա» ակումբի երիտասարդական թիմի կազմում:
«Ես շատ ուրախ և մոտիվացված եմ, որ կրելու եմ այս մարզաշապիկը։ Հուսով եմ, որ կկարողանամ օգնել թիմին և լավ արդյունքներ կգրանցեմ մրցաշրջանի ընթացքում»,- նշել է երևանյան թիմի նորեկը:
