Fastex Հայաստանի Պրեմիեր լիգայում ելույթ ունեցող Երևանի «Արարատը» պայմանագիր է կնքել  ֆրանսիացի պաշտպան Թեդի Մեզագի հետ, հաղորդում է ակումբի մամուլի ծառայությունը։

32-ամյա ֆուտբոլիստը կարիերայի ընթացքում խաղացել է ֆրանսիական «Մոնպելյեում» և «Մարտիգում», բելգիական «Մուսկրոնում», անգլիական «Լեյթոնում», Բուխարեստի «Դինամոյում» , իսրայելական «Հապոել Ռաանայում» , բուլղարական «Բերոեում» և թուրքական «Էյուփսփորում»:

Մեզագն «Արարատում» կխաղա 4 համարի մարզաշապիկով: Transfermarkt-ը նրա տրանսֆերային արժեքը գնահատում է 250 հազար եվրո: