Ֆրանսիայի առաջնության 20-րդ տուրում «Մարսելն» ընդունեց բրոնզե մեդալակիր «Մոնակոյին»: Գրանցվեց արդյունավետ ոչ-ոքի՝ 1-1:

17-րդ րոպեին ինքնագոլի հեղինակ դարձավ տանտերերի ֆրանսիացի կիսապաշտպան Ջորդան Վերետուն: 47-րդ րոպեին պատասխան գոլը խփեց չիլիացի հարձակվող Ալեքսիս Սանչեսը:

20 տուրից հետո «Մարսելը» 43 միավորով երրորդն է, «Մոնակոն» 38 միավորով չորրորդ տեղում է: Առաջատարը գործող չեմպիոն ՊՍԺ-ն է, որը 19 խաղից հետո վաստակել է 47 միավոր:

Ֆրանսիայի առաջնություն, 20-րդ տուր

«Մարսել» - «Մոնակո»՝ 1-1 (տեսանյութ)

Ալեքսիս Սանչես, 47 - Ջորդան Վերետու, 17 (ինքնագոլ)