UFC-ի նախագահ Դանա Ուայթը պաշտոնապես հայտարարել է, որ հայ մարտիկ Արման Ծառուկյանը չի մասնակցի Իսլամ Մախաչևի դեմ տիտղոսային մենամարտին:
Թեթև քաշային կարգի դասակարգման աղյուսակի առաջատարը մեջքի վնասվածք է ստացել: Հունվարի 19-ին Լոս Անջելեսում քաշային կարգի գործող չեմպիոն, ռուսաստանցի Մախաչևը տիտղոսը կփորձի պաշտպանել բրազիլացի Ռենատո Մոյկանոյի դեմ մենամարտում:
Հիշեցնենք, որ դեկտեմբերի 5-ին էր UFC-ն հաստատել Մախաչև - Ծառուկյան ռևանշ մենամարտի օրը:
2019 թվականին Ծառուկյանը UFC-ում նորամուտը նշել էր Մախաչևի դեմ մենամարտով և դիտարժան պայքարում պարտվել էր միավորներով:
28-ամյա հայ մարտիկն օկտագոնում անցկացրել է 25 մենամարտ, ունի 22 հաղթանակ և երեք պարտություն: Մախաչևը 27 մենամարտում տարել է 26 հաղթանակ, կրել է մեկ պարտություն:
BREAKING NEWS!!!!
— danawhite (@danawhite) January 17, 2025
Makhachev will now be facing Moicano for the lightweight title. #UFC311 is LIVE TOMORROW on @ESPNPlus PPV! pic.twitter.com/2JZevvpQP2
