Ռոտերդամի «Ֆեյենորդի» գլխավոր մարզիչ Արնե Սլոթը հայտարարել է, որ հաջորդ մրցաշրջանից կաշխատի անգլիական «Լիվերպուլում»:
«Կարող եմ հաստատել, որ հաջորդ մրցաշրջանում լինելու եմ «Լիվերպուլի» մարզիչը»,- 45-ամյա մասնագետի խոսքը մեջբերում է ESPN-ը։
Նիդերլանդցին անգլիական գրանդի գլխավոր մարզիչի պաշտոնում կփոխարինի գերմանացի Յուրգեն Կլոպին, որը 9 տարի անց կհեռանա «Լիվերպուլից»:
Հիշեցնենք, որ Սլոթը 2021 թվականի հուլիսից է գլխավորում «Ֆեյենորդը», որը նախորդ մրցաշրջանում նրա գլխավորությամբ դարձել էր Նիդերլանդների չեմպիոն, այս մրցաշրջանում էլ նվաճել է երկրի գավաթը: 2021/2022 մրցաշրջանում էլ «Ֆեյենորդը» հասել էր Կոնֆերենցիաների լիգայի եզրափակիչ, որտեղ 0-1 հաշվով պարտվել էր իտալական «Ռոմային»:
