Արսեն Զախարյանը կոճի վնասվածք է ստացել, ВсеПроСпорт-ի հետ զրույցում հայտնել է «Ռեալ Սոսյեդադի» մամուլի ծառայության ղեկավար Յոն Անդեր Մունդուատեն:
«Զախարյանը ցավեր ունի կոճի հատվածում: Դեռ պարզ չէ՝ նա կմասնակցի՞ «Լացիոյի» դեմ հանդիպմանը, թե՞ ոչ»,- ասել է Մունդուատեն:
Ռուսաստանի հավաքականի ֆուտբոլիստն այս մրցաշրջանում դեռ ոչ մի հանդիպման չի մասնակցել:
Արսեն Զախարյանը «Ռեալ Սոսյեդադ» է տեղափոխվել 2023 թվականի ամռանը: Կիսապաշտպանը բասկյան թիմում բոլոր մրցաշարերում 40 խաղում խփել է 1 գոլ ու կատարել է 2 արդյունավետ փոխանցում:
