Լոնդոնի «Արսենալը» «Բրենթֆորդից» ձեռք է բերել Իսպանիայի ազգային հավաքականի դարպասապահ Դավիդ Ռայայի տրանսֆերային իրավունքը, հայտնում է ակումբի մամուլի ծառայությունը:
«Արսենալը» 28-ամյա Ռայայի տրանսֆերի համար անգլիական ակումբին վճարել է 31,90 միլիոն եվրո: Ստորագրվել է երկարաժամկետ պայմանագիր:
Ռայան նախորդ մրցաշրջանը վարձավճարով էր անցկացրել «Արսենալում», մասնակցել 41 հանդիպման, 20 խաղում անառիկ պահել դարպասը, 16-ը՝ Պրեմիեր լիգայում: Իսպանացին ճանաչվել էր Անգլիայի Պրեմիեր լիգայի մրցաշրջանի լավագույն դարպասապահ՝ ստանալով «Ոսկե ձեռնոց» մրցանակը:
