«Արսենալի» հարձակվող Պիեռ-Էմերիկ Օբամեյանգը կարող է այս ամառ լքել լոնդոնյան ակումբը՝ հաղորդում է The Times-ը։
Աղբյուրի տեղեկություններով՝ «զինագործները» պատրաստ են 32-ամյա գաբոնցի ֆուտբոլիստի տրանսֆերի հարցով առաջարկներ լսել։ «Արսենալի» գլխավոր մարզիչ Միկել Արտետան դժգոհ է նրա արդյունավետությունից, իսկ ակումբը ցանկանում է թոթափել աշխատավարձերի բեռը։
Հիշեցնենք՝ Օբամեյանգը 2018 թվականին «Բորուսիայից» է տեղափոխվել «Արսենալ»։ Անցյալ մրցաշրջանում հարձակվողը մասնակցել է Անգլիայի առաջնության 29 խաղի՝ դառնալով 9 գոլի ու 3 արդյունավետ փոխանցման հեղինակ։
