Երևանի «Փյունիկի» կիսապաշտպան Արտակ Դաշյանը «Վեստ Արմենիայի» դեմ Հայաստանի Պրեմիեր լիգայի 23-րդ տուրի խաղում (2-1) ծանր վնասվածք ստանալուց և պատգարակով խաղադաշտից հեռանալուց հետո բուժզննում է անցել, հայտնում է ակումբի մամուլի ծառայությունը:
Ախտորոշվել է ձախ անրակի կոտրվածք, Հայաստանի ազգային հավաքականի ֆուտբոլիստը կվիրահատվի: Ըստ նախնական բժշկակական եզրակացության՝ 34-ամյա կիսապաշտպանը խաղադաշտից կբացակայի 6-8 շաբաթ:
Ընթացիկ մրցաշրջանում Դաշյանը «Փյունիկի» կազմում բոլոր մրցաշարերում անցկացրած 27 խաղում խփել է 6 գոլ:
Հիշեցնենք, որ Եղիշե Մելիքյանի գլխավորած թիմը 52 միավորով շարունակում է գլխավորել Հայաստանի Պրեմիեր լիգայի մրցաշարային աղյուսակը։ «Փյունիկը» երկրորդ տեղում գտնվող «Նոային» գերազանցում է երեք միավորով:
