«Արսենալի» գլխավոր մարզիչ Միկել Արտետան «Բրենթֆորդի» դեմ Անգլիայի Պրեմիեր լիգայի 32-րդ տուրի հանդիպմանը նախորդած մամուլի ասուլիսին չի բացառել, որ թիմի հարձակվող Կայ Հավերցը խաղադաշտ կվերադառնա ընթացիկ մրցաշրջանում:
«Տեսնենք, թե ինչ կլինի: Հույս ունենք, որ Կայը խաղադաշտ կվերադառնա արդեն այս մրցաշրջանում»,- ասել է Միկել Արտետան:
Հիշեցնենք, որ գերմանացի հարձակվողը ԱՄԷ-ում անցկացված հավաքի ժամանակ ազդրի վնասվածք էր ստացել:
Հավերցն ընթացիկ մրցաշրջանում 34 խաղում խփել է 15 գոլ, կատարել է 5 ասիստ:
