Օլիմպիական խաղերի ոսկե, արծաթե, բրոնզե մեդալակիր, աշխարհի քառակի, Եվրոպայի 6-ակի չեմպիոն Արթուր Ալեքսանյանի (97 կգ) պատվին Հայաստանի օրհներգը հնչեց Խորվաթիայի մայրաքաղաք Զագրեբում:
Հիշեցնենք, որ Եվրոպայի առաջնության եզրափակիչում 31-ամյա հայ ըմբիշը 5-1 հաշվով պարտության էր մատնել բուլղարացի Կիրիլ Միլովին ու կարիերայում 6-րդ անգամ լավագույնը դարձել Եվրոպայում:
Արթուր Ալեքսանյանը մեկնարկել էր 1/8 եզրափակիչից, որում 3-1 հաշվով հաղթել էր վրացի Ռոբերտ Կոբլիաշվիլիին: Քառորդ եզրափակիչում 31-ամյա ըմբիշը 7-4 հաշվով հաղթել էր հունգարացի Տամաս Լևային, իսկ կիսաեզրափակիչում 9-0 հաշվով պարտության էր մատնել չեխ Արթուր Օմարովին:
Հիշեցնենք, որ Զագրեբում կայացած ԵԱ-ի հունահռոմեական ոճում Հայաստանի ըմբիշներից Եվրոպայի կրկնակի չեմպիոն էր դարձել Մալխաս Ամոյանը (77 կգ), իսկ Հրաչյա Պողոսյանը (63 կգ) նվաճել էր բրոնզե մեդալ:
