Ռուսական «Ուրալի» եզրային հարձակվող Արտյոմ Մաքսիմենկոն տեղափոխվել է Fastex Հայաստանի Պրեմիեր լիգայի չեմպիոն և գավաթակիր Երևանի «Ուրարտու», հաղորդում է ակումբի մամուլի ծառայությունը:
Պայմանագրի մանրամասները դեռ չեն հաղորդվում:
25-ամյա ռուս հարձակվողը խաղացել է նաև Վոլգոգրադի «Ռոտորում», «Բալթիկայում», «Վելեսում», «Նիժնի Նովգորոդում», «Զենիթ-2»-ում և այլ ակումբներում:
Իր ամբողջ կարիերայի ընթացքում Մաքսիմենկոն մասնակցել է 159 հանդիպման, դարձել 48 գոլի և 16 գոլային փոխանցման հեղինակ: Transfermarkt-ը 300 հազար եվրո է գնահատում նրա տրանսֆերային արժեքը:
