Լաս Վեգասում ընթացող Freestyle Chess Grand Slam Tour մրցաշարի քառորդ եզրափակիչում ԱՄՆ ներկայացուցիչ, գրոսմայստեր Լևոն Արոնյանը 2,5-1,5 հաշվով հաղթել է ՖԻԴԵ-ի վարկանիշային աղյուսակի երկրորդ համար Հիկարու Նակամուրային և դուրս եկել կիսաեզրափակիչ:

Եզրափակիչի ուղեգիրն Արոնյանը կխաղարկի հնդիկ գրոսմայստեր Արջուն Էրիգայսիի հետ: 

Մյուս կիսաեզրափակիչում զույգ են կազմել Ֆաբիանո Կարուանան ու Հանս Մոկե Նիմանը:

Կիսաեզրափակիչները կկայանան հուլիսի 18-ին՝ Երևանի ժամանակով 22:00-ին:

Հիշեցնենք, որ թայ-բրեյքում Լևոն Արոնյանը հաղթել էր ՖԻԴԵ-ի վարկանիշային աղյուսակի առաջատար Մագնուս Կառլսենին: