Դորտմունդի «Բորուսիայի» հարձակվող Էրլինգ Հալանդը հայտնել է, որ կխաղա Իսպանիայում՝ գրում է AS-ը:
«Ես կխաղամ Իսպանիայում»,- իսպանական աղբյուրը մեջբերում է նորվեգացու խոսքը՝ ընդգծելով, որ երիտասարդ հարձակվողն այս նախադասությունն ասել է իսպանական Մարբելյայում՝ երկրպագուների հետ հանդիպման ժամանակ:
Նշենք, որ ֆուտբոլիստի գործակալ Մինո Ռայոլան ավելի վաղ բացահայտել է, որ նորվեգացին տուն ունի Իսպանիայում:
Հալանդի ծառայություններով հետաքրքրված են «Ռեալն» ու «Բարսելոնան»:
