Աշխարհի 7-րդ ռակետ, բրիտանացի թենիսիստ Ջեք Դրեյփերը հայտարարել է ձեռքի վնասվածքի պատճառով մրցաշրջանը վաղաժամ ավարտելու մասին, հաղորդում է The Mirror-ը:

«Բարև ձեզ, ընկերներ։ Ուզում եմ ձեզ հետ կիսել որոշ նորություններ։ Ցավոք, ձեռքի վնասվածքը ստիպում է ինձ ընդմիջում վերցնել և բաց թողնել 2025 թվականի մրցաշրջանի մնացած մասը։ Սա հեշտ չէ ընդունել, քանի որ այս տարի ես հիանալի մարզավիճակում եմ եղել և լավ թենիս եմ խաղացել։ 

Շնորհակալություն բոլոր նրանց, ովքեր աջակցում և հավատում են ինձ։ Անհամբեր սպասում եմ վերադառնալ կորտ և խաղին տալ այն ամենը, ինչ ունեմ։ Կհանդիպենք շուտով»,- հայտարարել է բրիտանացին: